LINDSY
Sa mga nakalipas na araw ay naging maganda ang pagsasama naming dalawa ni Ravi. Wala ng naganap na pagtatalo o samaan ng loob sa pagitan naming dalawa. Pero syempre, sa isang relasyon ay hindi nawawala ang tampuhan na mas madalas ay ako ang nauuna. Pakiramdam ko nga ay sinasadya ko magtampo kahit sa maliit na bagay dahil alam kong hindi niya ako matitiis.
Simula ng araw na muntik na akong umalis sa bahay ay parang bumawi si Ravi sa 'kin. Hindi siya gumagawa ng bagay na ikasasama ng loob ko. Pero kapag alam niyang may nagawa siyang mali ay gumagawa na siya ng paraan para hindi ako tuluyan magtampo sa kanya.
Katulad na lamang na uuwi siya ng wala sa tamang oras. Kapag ang usapan ay uuwi sa ganitong oras, kailangan ay nakauwi na siya sa ganong oras. O kung hindi makakauwi ay kaila
