LINDSY
Titig na titig ako sa papel na nakapatong sa ibabaw ng lamiseta. Pinaglipat-lipat ko pa ang tingin sa ballpen at papel. Ilang minuto ko na itong pinakatitigan dahil parang hindi pa ako makapaniwala na nasa harap ko na ito. Oras na pirmahan ko ang papel, ito na rin ang araw na pinuputol ko na ang ugnayan ko kay Ravi.
"Anak, if you're hesitant to sign that paper, don't sign it. Pwede pa magbago ang isip mo," agaw sa atensyon ko ni Papa.
Pagdating ni Papa galing trabaho ay ito na ang dala niya. Ako ang pumilit na asikasuhin niya ito sa lalong madaling panahon pero iba pala ang pakiramdam ngayong nakikita ko na ito sa harapan ko. Madali lang sana pirmahan ito dahil iyon naman ang gusto ko pero bakit hindi ko magawa ngayon?
Nagpakawala ako ng malalim na buntong-hininga bago dinamp
