LINDSY
Bilib na talaga ako sa lalaking ito. Hindi ko akalain na ang parusang ipapataw niya sa akin ay dadalhin pala ako sa Ophthalmologist kinabukasan. At heto na naman nga ako, pinagpapawisan na naman ng malamig dahil papunta na kami sa ospital.
Masaya ako na ito ang unang beses na nakalabas ako pero hindi ko naman ma-enjoy. Ang hirap sa parte ko na kahit gusto ko libangin ang sarili na tingnan ang bawat madaanan namin habang tinatahak ang daan patungong ospital ay hindi ko magawa. Isa pa, parang may mga kabayong naghahabulan sa dibdib ko sa sobrang kaba.
Hindi na naman ako makapag-isip ng matino. Nauubusan na ako ng dahilan sa kanya. Sabihin ko na kaya ang totoo. Siguro naman ay maiintidihan niya ako kung bakit nagpanggap ako.
"Uhm, big boss…" pukaw ko sa atensyon nito.
"Yes."
