Simula ng araw na iyon halos hindi na lumalabas sa bahay si Aliyah kung hindi naman kinakailangan. Siya na ang umiwas sa mga tao para hindi siya pagpiyestahan sa labas ng mga salita. Tumigil na rin siya sa pakikiusap kay Dylan na tumigil na ito sa kahibangan niya dahil bingi naman ang lalaki sa pakiusap niya.
Patuloy parin ang magandang takbo ng maliit niyang negosyo at nadagdagan pa ng ibang klase ang paninda niya. Samantala, sa isang iglap naputol ang ugnayan niya sa nag-iisang kaibigan niya dito sa village. Naputol ang ugnayan niya sa buong pamilya ni Kisses. Hindi na pinakita pa ni Aliyah ang sarili sa pamilya ng dalaga kahit masakit iyon para sa kanya tinanggap na lang ni Aliyah ang katotohanang hanggang dito na lang ang relasyon niya sa pamilyang minsan ay minahal niya.
Hindi na bi
