Episode 12.1
LAKING pasasalamat ni Shea nang makita niya agad si Tom na kumakain ng umagahan sa isa sa mga sun patios ng hotel na iyon. Hindi niya ito nagawang kausapin ng matino kagabi dahil masyado itong abala sa pakikipag-usap sa mga bisita sa party nito. Naupo siya sa tapat nitong silya at agad itong napangiti nang makita siya. “Shea, sabayan mo ako sa pagkain,” pagyaya pa nito. Humugot muna siya ng malalim na hininga bago sinimulang komptontahin ito. Kagabi niya pa ito gustong gawin. “Anong ibig sabihin ng ginawa mo kagabi, Tom?” tanong niya dito, hindi niya alam kung nagawa niyang itago ang inis na nararamdaman. Ibinaba nito ang mga hawak na kubyertos at tumingin sa kanya. “What’s wrong, Shea? Hindi mo ba nagustuhan ang ginawa ko?” may pagtatampo na sa tono nito. Iniyuko niya ang ulo. “Sinabi
- Writer
