NAKAPIKIT NA SI CELINE NG BALIKAN NIYA ITO SA SOFA. Umupo siya sa tabi nito at maingat na pinahiga ang asawa sa kanyang kandungan. Hindi niya na aabalahin pang gisingin ito bagkus tatabihan niya na lang at doon na rin mamatulog. Maaaring pagod ito sa unang araw ng acting workshop nito at sa paghihintay sa kanya na makauwi ng mansion. Kahit ilang beses niyang pagmasdan ito ay hindi niya pagsasawaan ang napakaamo nitong mukha na nais niyang makita sa tuwina. Kung papayag nga lang ito na makilala bilang kanyang legal na asawa ay tiyak na hindi na ito pa mahihirapan sa trabaho at maiiwasan niyang mag-alala kapag hindi ito kasama dahil kahit ilang bodyguards pa ang kailanganin nito ay ibibigay niya masigurado lamang ang kaligtasan nito. Ngunit sa kabila ng tago nilang relasyon ay malaya naman s
