LAMCE'S POINT OF VIEW
Ngayong tapos na kami kumain ng agahan at maghugas ng ilang ginamit sa pagkain at pag-inom, mag-uusap na kami sa mga plano. Plano na kung paano magiging takbo ng 'fake' love story naming dalawa.
“Simulan muna siguro natin na isulat ang tungkol sa sarili natin tapos babasahin ko ang iyo at babasahin mo naman ang sa akin, okay lang ba?” tanong ko kay Jay habang nilalabas ang papel at ballpen sa drawer.
“Sure, para mas makilala natin ang isa't isa,” tugon niya at ngumiti. Ngumiti naman ako pabalik saka lumakad patungo sa puwesto niya. Narito kami sa kusina at habang nag-uusap at nagpaplano ay kumakain kami ng potato chips.
“Narito ang ballpen at paper, simulan na natin mula sa pangalan natin, edad, and etc. Basta personal information natin,” ani ko sabay lapag ng pap
