Kabanata 29
“Saan ka pupunta, Lily?” mariing tanong ni Haven.
Kasabay no’n ay tuluyang inalis niya ang pagkakatakip sa labi ko. Parang biglang bumuhos ang hangin sa baga ko at napasinghap ako, halos hingalin habang pilit hinahabol ang aking paghinga. Nanginginig ang buong katawan ko, hindi dahil sa lamig, kung ‘di dahil sa paraan ng pagkatitig niya sa akin.
Ngayon ko lang nakita si Haven nang ganito.
Hindi na siya ang babaeng mapang-asar, hindi na ang babaeng palangiti at palaban. Ang nasa harapan ko ngayon ay isang taong malamig ang mga mata, walang emosyon, parang kaya akong patayin anumang oras at hindi man lang magdadalawang-isip.
At doon ako mas lalong kinabahan. Nanginig ang buong kalamnan sa bagong imahe na nakikita ko ngayon.
May alam siya… sigurado ako.
“Why are you escapi
