Kabanata 10
Suot ko ang halter-neck na top na kulay burgundy, nakapulupot ang tela sa leeg ko at bukas ang buong likod ko. Dalawang manipis na strap lang ang humahawak sa likuran, sapat para iparamdam na halos hubad ang balat ko sa malamig na hangin ng gabi, eksaktong gusto ko para sa clubbing. Ramdam ko kung paano dumadampi ang liwanag sa likod ko, parang sinasadya nitong ipakita ang bawat galaw ko.
Naka-fitted na pulang palda ako, dikit sa balakang at hita ko, nagbibigay-diin sa bawat kurba. Hindi ito bastos, pero hindi rin inosente, sakto lang para sa gabing gusto kong maramdaman ang tingin ng mga tao habang naglalakad ako. Simple pero may dating, yung tipong alam mong may epekto ka kahit hindi ka nagsasalita.
Ang buhok ko ay nakapulupot sa isang messy bun, hindi sobrang ayos, may i
