Napahinto ako ng may narinig akong mensahe sa isang mini walkie talkie, ayon dito ay may inaataki sa mga taohan ni Oliver. Sino na naman kaya ang bagong kalaban ni Oliver? Kunot noo akong napalingon sa kanya.
“Six men of my team got killed” ang sunod na mensahe.
May kutob akong maaaring mag higanti ang Wakwak Gang kay Geralt Monro, dahil sa napatay ko ang leader nila na si Kwago. Alam na kaya nila na si Geralt Monro ang utak ng pagpatay? ngunit dahil sa wala siya dito sa Pilipinas ay sigurado pupuntiryahin nila ang anak nito na si Oliver Monro. Ngunit walang alam si Oliver tungkol sa group na ito.
Base sa aking naaalala ang mga galawan at liksi ng mga lalaking sumalakay sa mansyon ay hindi isang ordinaryong gang lang. May maayos silang pananamit at high-end ang mga ginagamit na baril.
