Alak
Ang alam ko, mga matataas na tao lamang ng The Simple Buffet (TSB) pati na rin ang ilang empleyado ng Harmonie ang dadalo sa Formal Tea Party na ito. Nagulat ako nang makitang maraming tao sa loob ng bulwagan. Pati na ang mga staff ni Kathy na akala ko ay hindi kasama sa party ay nariritong lahat. Sinalubong ako ng mga kakilala at walang lumagpas sa kanila na hindi ako binati. Karamihan ay nagulat at titig na titig sa akin. Maging ang ilang empleyado ng TSB ay hindi maiwasang mapalingon sa akin lalo na ang mga kalalakihan.
"You look absolutely gorgeous!" Hinapit ako sa baywang ni Travis, ang aming Lead Psychometrician. Makisig siyang tingnan sa suot niyang green checkered long-sleeve shirt with grey tie at black pants.
Ikinagulat ko ang ginawa niya at napapitlag. Alam kong nagbibir
