ANIKA POINT OF VIEW
"Mahal, pagtataguan na lang ba natin sila?" tanong ko nang yakapin niya ko mula sa likuran.
"Anong ibig mong sabihin?"
"Si Erin, hindi niya tayo titigilan at tama naman sila tita. Naniniwala akong siya rin ang may gawa ng mga markang 'to." Tinitigan kong maigi ang pulsuhan ko.
"Bukas na lang tayo mag-usap. Matulog ka na, mahal," mahina niyang sabi at hindi na ulit sumagot sa iba ko pang tanong.
Nangangamba ko para sa anak ko.
"Ang baby ko," naawa kong bulong habang pumapantay kay Nathalie.
Sobrang himbing na ng tulog niya. Hindi ko mapigilang hawakan ang mga kilay niya at himasin. Nami-miss ko ang gano'ng pagpapatulog ko sa kanya dati habang kinakantahan ko siya.
Mas hinila ko si Nathalie papunta sa akin at niyakap siya nang mahigpit. Naramdaman ko ang pagki
