ANIKA POINT OF VIEW
Kanina pa ko wala sa sarili. Hindi ako makapaniwalang sa dami ng problema ko ngayon ay may dadagdag pa. Anong bang problema ng writer ng buhay ko? Naging mabait naman ako, ah. Pinilit kong maging mabuting anak kahit na makulit ako at kung minsan ay nasasagot ko si Mama. Binigay ko rin ang buong puso ko sa lalaking pinili kong makasama, alam kong may mga kapalpakan kami, hindi pag-uunawaan at pag-aaway pero still, heto naman kami at nagmamahalan.
Bakit kailangan kong mawala?
"Gaano ba sila kasigurado, ma, na ikamamatay ko ang panganganak ko?" tulalang tanong ko nang maramdaman kong papalapit sa akin si Mama.
Tumakas ako kanina. Hindi dahil galit ako sa paglilihim ulit sa akin ni Rico. Tumakbo ako dahil sa gulat at takot. Ayoko na ulit na iwan sila. Gusto kong makita
