Pagdating na pagdating ko sa bahay ay binilinan ko agad si Mang Selmo na huwag na huwag sasabihin kina mommy kung saan ako nanggaling. Sabi ko ay ako ang magsasabi sa kanila. Kapag pinagtaksilan pa niya ako ngayon, kukuha na talaga ako ng ibang driver. Si kuya na lang ipag-drive niya, tutal doon naman siya tapat palagi.
“Raiza! I heard you’re sick, how do you feel now?”
Akala ko si mommy ang sasalubong sa akin pero si kuya naman pala. Agad akong niyakap nito at kinapa ang noo ko.
“I’m fine, kuya. Medyo nahihilo pa ako, pero okay na. Ikaw naman kasi, bigla ka na lang nagpapatawag ng dinner. Saka alam mo namang may pasok ako bukas. Maaga na naman akong magigising para makarating on time sa office,” kunwa’y reklamo ko. Pero natawa siya at napaatras ako nang bigla niya akong halikan sa mga
