Raiza’s POV
Pagdating ko sa compound ng building ng Qizam ay nagulat ako nang makita ang napakaraming reporters at cameramen sa may entrance mismo ng building. Buong pagtataka kong tiningnan ang kumpol ng mga taga-mediang naroroon.
Napalingon ako nang marinig ang pagtunog ng cellphone ko na nasa bag ko.
“Ma’am, mukhang hindi kayo makakapasok, ang daming reporters, oh?” komento pa ni Mang Selmo.
“Oo nga po, eh. Ano kayang nangyayari?” natanong ko habang inilalabas ang cellphone sa bag ko. Si Cindy ang tumatawag kaya agad kong sinagot.
“Naku, Doc! Kanina ka pa hinihintay niyang mga nagkakagulong reporter sa labas. Nasaan ka na po?” may pag-aalalang tanong nito nang sagutin ko ang tawag. Kunot-noo naman na muli kong nilingon ang mga tao sa labas.
“Bakit daw? Nandito pa lang ako sa park
