“I love you, too, Raiza Antonette Sylverio!”
Patuloy na nagre-replay sa utak ko ang mga sinabi ni Stan. Maya’t-maya ay hindi ko maiwasan ang mapangiti at kiligin. Ilang beses ko ring sinisilip sa salamin ang mukha ko at namumula pa rin ito hanggang ngayon. Gusto kong maiyak sa sobrang saya ng puso ko. Mahal niya ako! Totoong mahal niya ako!
Simula ng araw na iyon ay mas lalo pang naging maalaga at malambing sa akin si Stan. Araw-araw, walang liban, nagpapadala siya ng mga bulaklak at chocolates. Akala mo naman talaga mauubos ko iyon. Kaya ang mas nakikinabang ay itong mga kasamahan ko sa opisina. Parang tuloy may araw-araw na kaming rasyon ng chocolates at iba’t ibang pagkain dito.
Literal na parang araw-araw may fiesta sa opisina ko dahil sa mga pagkain at treats na ipinapadala ni S
