Lalong lumalim ang gatla sa noo ko dahil sa sinabi ni tito. Bumalik ang tingin ko kay lolo at kita ko na rin ang galit sa mukha niya. Hindi ko alam pero bigla akong kinabahan dahil lahat sila ay sobrang seryoso ang mga mukha. Naagaw lang ang atensiyon ko nang pisilin ni ate ang kamay ko at tumango. Ngayon ko lang napansin na kahawig pala ni ate si Marcus. Pareho sila ng mga mata ngunit ang ilong at labi niya ay nakuha niya kay mommy.
“Ano pong sasabihin ko sa kanila kung bakit gusto ni’yo po silang papuntahin dito?” kinakabahang tanong ko. Ni hindi ko na nga alam kung kanino ako magtatanong.
“Just tell them I need to talk to them, ASAP,” masungit na tugon ni lolo kaya lalo akong napalunok. Dahil ayaw ko namang mapagalitan ay inumpisahan ko nang i-dial si Marcus. Habang tinatawagan ko sil
