CHAPTER 44
BLOODY VENGEANCE
BY: Pinagpala (Joemar P. Ancheta)
Napaluhod si Lance. Tanda ng pagmamakaawa kay Tovi na huwag idamay ang bata. Nakatingin sa akin. Ang mga tingin na iyon ay alam kong may mga panunumbat. Parang binabalatan ako ng buhay. Alam kong ang mga titig niya ay patuloy akong inuusig kung bakit ko nagawing ilihim sa kaniya ang pagdating ng isang delubyong ito sa aming buhay. Ang pagluha ay naging hagulgol dahil alam naming hawak ni Tovi ang buhay ng aming anak. Lalo pa't ang iyak ni Jay-ar at ang paulit-ulit niyang pagtawag ng Daddy sa akin ay parang barenang tumutusok sa aking puso. Tanda iyon ng paghingi niya ng saklolo. Mabilis akong nag-isip kung ano ang dapat kong gawin. Hindi dapat madawit ang anak ko sa gulong pinasok ko. Handa ko ng ibuwis ang aking buhay huwag
