CHAPTER 38
BLOODY VENGEANCE
BY: Pinagpala (Joemar P. Ancheta)
Nilaro ko ang huling braha ko hindi para magpatalo ng mas malaki kundi para matapos ang laro sa magandang pagtatapos. Iyon bang natalo ka pero naglaro ka pa rin dahil gusto mong mag-enjoy. Kaya sinuportahan ko pa rin siya bilang kaibigan hanggang tuluyan ko nang natanggap na magkaibigan lang talaga kami at tuluyan kong tinanggap na ituloy ang buhay. Hanggang sa nanganak ako ay hindi niya ako iniwan. Naging mabuti siyang ama sa anak namin. Ngunit hindi niya kailanman ipinaramdam sa akin na asawa niya ako. Pinaramdam niyang kaibigan ko lang siya. Laging handang dumamay. Ikaw Sean, anong ginawa mo nang naghihintay ka? Alam mo ba lahat ang nangyari nang minabuti mong magkaroon ng iba? Akala niya hindi mo siya iiwan. Akala niya la
