Sa ilang araw na magkasama sina Charlie at Trixie, ay walang pagsidlan ang kanilang kaligayahan. Ipinaalam na rin nila sa pamilya niya ang tungkol sa kanilang relasyon. Natuwa naman ang mga ito sa kaniyang magandang balitang iyon. Lalo na ang kaniyang mga kuya na tila isang palabas sa sinehan ang pagkakaroon niya ng nobyo. “Wooohooo! Maraming salamat po Lord! Sa wakas, may nagkamali na rin po sa kapatid namin!” Nakadipa pa ang kaniyang kuya Tisoy habang nakatingala sa langit upang magpasalamat. Nagkatawanan naman ang kaniyang buong pamilya sa ginawang iyon ng kaniyang kuya. Kasalukuyan kasi silang nasa labas ng kanilang bahay nang ibalita niya iyon sa kaniyang pamilya. “Grabe, grabe ka talaga kuya Tisoy! Akala mo naman ako lang ang wala pang jowa rito, eh ikaw rin naman!” sagot naman niya
