“Bhe, parang gusto ko ng balut,” naglalaway na sabi ni Trixie kay Charlie.
Nasa Charlotte’s Collections sila ng mga sandaling iyon, at masyado pang maaga para makahagilap ng balut. “Bhe-bhe ko, seryoso? Naku saan ako hahagilap ng balut nang ganitong oras?” tila parang biglang namroblema ito sa kanyang gustong kainin.
Napalabi naman siya ng parang hindi niya makakain ang gusto niyang kainin ng mga oras na iyon. “Sige ‘wag na lang. Pero gusto ko talaga eh! Kawawa naman kami nila baby,” tila nangongonsensiyang sabi pa niya rito.
Napakamot naman sa ulo si Charlie saka nag-isip. Maya-maya lang ay nagliwanag ang mukha nito. Parang alam na nito kung saan makakahanap ng nais niyang kainin.
“Teka lang ha? Dito ka lang, hahanap lang ako ng balut. Ano pang gusto ng mag-iina ko?” malambing pa n
