Blind Date

chapter 2

"MAMATAY ka nang hayup ka!" singhal ni Rachel

habang tinatadtad ng bala ang target board sa indoor firing

range na pinuntahan niya para maglabas ng sama ng loob.

Anim na buwan niyang iniwasang pumunta sa mga

paboritong lugar dahil may memories sila ni Carlo sa

mga iyon. Pero lately, nag-decide siyang balikan ang mga

iyon. Hindi lang sa Anita's Bakeshop niya nakita si Carlo

na kasama ang bagong girlfriend nito, pati sa spa salon

kung saan paborito niya ang Thai massage!

Hindi makapaniwala si Rachel kung paano nagagawa

ni Carlo na dalhin ang babaeng iyon sa mga lugar na

alam nitong paborito niya. Sinasadya ba nitong ibalandra

sa harap niya ang babaeng dahilan kung bakit nawasak

ang relasyon nila? Gusto ba siyang saktan ni Carlo? As if

masasaktan siya. Poot. Iyon ang nararamdaman niya sa

mga oras na iyon. Matinding poot.

Ang akala ni Rachel, unti-unti nang nagsu-subside

ang galit niya dahil hindi na niya mahal ang ex. Pero dahil

na-trigger na naman, bumalik ang matinding galit niya

kina Carlo at Camille. Hindi siya binigyan ng sedative ni

Jessica kaya naisipan na lang niyang pumunta sa firing

range para maglabas ng sama ng loob.

Iniisip niya ang mukha ni Carlo sa target board

habang pinauulanan ng bala ang malaking butas

"ilong" nito.

"Hindi ako makapaniwalang minahal kitang animal

ka Wala kang pakialam ni katiting sa feelings ko!

Winalanghiya mo na nga ako no'ng iwan mo 'ko para sa

babaeng 'yon, hanggang ngayon, winawalanghiya mo pa

rin ako kahit wala na tayo! Nakuha mo talagang dalhin

sa favorite places ko 'yong babaeng 'yon! Hindi mo man

lang naisip na puwedeng magpunta ako doon at makita

ko kayong mga hayup kayo! O baka talagang sinasadya

mong inutil ka? Kung hindi ka ba naman talagang gago!"

gigil na gigil na sabi niya in between pulling the trigger.

Nasiyahan si Rachel nang makita ang finish product

ng panggigigil sa hawak na baril. Hindi siya nakatama sa

center ng target pero tadtad ng bala ang papel. Mabilis

niyang pinindot ang control system ng target board para

lumapit sa kanya at nang mapalitan ng bago ang butas-

butas na papel. Minutes later, si Camille naman ang

in-imagine niyang pinagtatadtad ng bala sa target board.

"Ikaw namang haliparot na babae ka, alam mong my

girlfriend 'yong tao pero nilandi mo pa rin! Kung hindi ka

ba naman kasingkati ng gabi! Feeling mo siguro, lamang

na lamang ka sa 'kin dahil ipinagpalit ako ng putang-inang

ex ko sa 'yo! Ganda ka? Ganda ka, ha? Fake naman 'yang

ilong mong malandi ka!"

Nang matapos si Rachel sa kaka-rant at kakabaril kay

"Camille" ay medyo nabawasan ang gigil niya. Habang

pinagmamasdan ang papel, na-imagine niya si Camille na

wasak na ang fake na ilong at nakalitaw na ang pekeng

bridge. Inalis niya ang earmuffs at pinindot ang controls

para palapitin ang target board. Pero napapitlag siya nang

makarinig ng pagputok.

Napamulagat si Rachel nang ma-realize na may tao

na sa ibang booths. Divider lang ang naghahati sa bawat

booth kaya sigurado siya na narinig ng kung sinumang

taong iyon ang mga pinagsasabi niya habang bumabaril.

Nakakahiya!

Nang pumasok siya sa firing range, wala pang shooters

kaya malakas ang loob niyang magbunganga. Hindi niya

namalayan na hindi na pala siya nag-iisa sa loob. Tumutok

ang tingin niya sa target board ng kabilang booth at

nanlaki ang kanyang mga mata.

Bull's-eye.

Mukhang hindi basta-basta ang nasa kabilang booth.

Crack shot! Baka shooting competition champion ito.

Baka sundalo. O kaya naman... professional assassin.

Na-curious tuloy si Rachel. Gusto rin niyang

malaman kung sino ang nakarinig ng mga pinagsasabi niya

para matakpan niya ang mukha mamaya kapag nakita ito

sa premises ng firing range.

Maingat siyang sumilip sa kabilang booth mula sa

likuran at nakita ang likod ng matangkad na lalaking nasa

kabilang booth. Mukhang clean-cut ang buhok kahit likod

lang ang nasisilayan niya. Lean ang body built. Nahinto

ang tingin niya sa bandang pang-upo ng lalaki sa denim

jeans na suot nito.

Hmm... nice butt.

Pero baka talikodgenic lang. Madalas siyang magoyo

ng mga ganoon ka-perfect na likod ng lalaki. Malamang

mukha itong bakulaw kapag humarap. Nagpakawala

at tumama na naman sa center ng

uli ng

target board.

ang bala ng

lalaki

"Wow." Hinayaan ni Rachel na lumabas iyon sa bibig

dahil naka-carmuffs naman ang lalaki. "Amazing! Galing!"

Ibinaba ng lalaki sa balikat ang earmuffs bago pa man

niya matapos ang sinasabi. Mukhang narinig siya nito kaya

biglang lumingon.

Napasinghap siya nang magtama ang mga mata

nila. Mabilis siyang umalis sa pagsilip para magtago sa

kanyang booth. "s**t!" sabi niya nang walang sound.

"Ang guwapo!"

Hindi lang likod ang magandang tingnan sa lalaki.

Pati harap!

Actually, may laban naman iyong mga lalaking naka-

date ni Rachel these past few weeks. Iyong mga lalaking

inireto sa kanya ni Jessica na lahat ay hindi niya binigyan

ng chance na mai-date siya sa pangalawang pagkakataon.

Para kasing may kulang sa kanila. Ngayon lang niya

natukoy kung ano-s*x appeal.

Mula nang niloko at iniwan siya ni Carlo.