Blind Date

chapter 8

RACHEL flipped her hair and walked like a lady in her

red heels towards the entrance of a five-star hotel. Girl

na girl kasi siya sa mga oras na iyon mula ulo hanggang

paa. Sinadya niyang magpaganda nang husto. Sinadya

rin niyang mag-show off nang kaunti sa bandang dibdib.

Kailangan niyang i-flaunt ang kanyang asset-her jugs.

Mahalaga na magustuhan niya ang huling lalaking

ipapa-blind date sa kanya ni Jessica pero mahalaga ring

magustuhan siya nito. Wala pang lalaking hindi nasilaw

sa cleavage niya.

Desidido si Rachel na subukang magustuhan ang

lalaking imi-meet sa restaurant ng hotel na iyon dahil iyon

na lang ang huli niyang pag-asa. Ang sabi kasi niya sa sarili,

kapag hindi pa rin nagustuhan ang lalaking makikilala sa

araw na iyon, ibig sabihin, hindi pa talaga siya puwedeng

pumasok uli sa isang relasyon kaya magpapaka-single na

muna siya hanggang sa kusang makakilala ng lalaking

makakabihag ng kanyang puso. Nanghihingi siya ng sign.

Deep inside, gusto naman talaga niyang ma-in

love uli, bukod sa natatakot siyang mag-depreciate sa

pagtuntong ng treinta nang single siya. Gusto niyang

may maibalandrang boyfriend sa harap nina Carlo at

Camille tuwing makikita ang mga hitad sa mga paborito

niyang hangout places na finavorite na rin yata ng mga

walanghiya.

Pagpasok ni Rachel sa restaurant ay may receptionist

na nag-welcome sa kanya at nagtanong kung ilan ang

kasama niya.

"I'm about to meet someone inside." Nang sabihin

iyon ay pinapasok siya ng receptionist.

Lumibot ang tingin niya sa buong sosyal na restaurant

para hanapin ang guwapo at mestisong lalaking nakasuot

ng charcoal gray suit at white dress shirt na may dalang

bouquet of flowers, ayon sa text message na ipinadala ni

Jessica.

Naglakad si Rachel dahil may dividers ang restaurant.

Hanggang sa may makita siyang bouquet of flowers na

nakapatong sa isang mesa sa isang sulok at braso ng isang

lalaking nakasuot ng charcoal gray suit.

Ah, that's him, sabi niya sa isip. Hahakbang na sana uli

siya para makalagpas sa divider pero hindi niya itinuloy

dahil gusto muna niyang magdasal sa huling sandali.

Lord, please. Let that man be my Mr. Right. Sana

magustuhan niya ako at magustuhan ko rin siya. Sana

masarap siyang kausap. Sana mabait siya, malambing,

romantic, at malaki... ang puso. Sana 'wag niya akong

lokohin at saktan. Sana hindi siya tulad ng gagong Carlo

na 'yon na nagsawa nang mahalin ako after ten years. Sana

walang expiration date ang pag-ibig niya. Sana 'wag niya

akong iwan at maakit sa makating babae. Sana mahalin niya ako forever.

Rachel exhaled and continued walking. Nang

makalagpas siya sa divider, tumambad sa kanya ang mukha

ng lalaking nakaupo sa likod ng mesa sa sulok. Nanlaki

mga mata niya nang mamukhaan ang guwapong lalaki

Muntik na niyang mabitiwan ang hawak na handbag,

Ang supladong lalaki sa firing range!

TINAPUNAN ni Darwin ng tingin ang wristwatch. Ten minutes late na

ang babaeng ka-blind date niya. Well,

women typically came late. Pero hindi dapat sa unang

date. At hindi dapat umabot ng ten minutes. Sa lahat ng

babaeng naka-blind date niya previously, ito na yata ang

pinaka-late dumating. Hindi pa man tuloy nakikita

babae ay nabawasan na agad ang interes niyang makilala ito.

Hindi alam ni Darwin kung ano ang kulay ng damit

ka-blind date pero sinabi ni Liza nang makausap niya

ito sa phone ang pangalan ng babae. "Rachel." Her name

sounded like a typical socialite... just like Julia.

Kaya siguro sinabi ni Gavin na kapag hindi pa rin niya

nagustuhan ang sumunod na babaeng ipapa-date ay ewan

na lang nito. It looked like they patterned this woman on

Julia. Iniisip siguro ni Gavin na ang tulad lang talaga ni

Julia ang makakakuha ng interes niya.

Well, those women he met previously would have

been more interesting than Julia. Had he met them in

another time, they would have taken his interest. At this

point, hindi niya alam kung anong klase ng babae ang

makakakuha ng kanyang interes o kung mayroon mang

magtatagumpay na magawa iyon.

Nadaanan ni Darwin ng tingin ang babaeng nakatayo

di-kalayuan sa mesa niya. Nakatingin ito sa kanya

habang namimilog ang mga mata. The woman had wavy

shoulder-length hair and a made-up face. She was wearing

a provocative dress. Mababa ang neckline ng suot nito na

hanggang itaas ng tuhod ang haba. Her chest was quite

big. She was hot, yes. And wait... she looked familiar.

Hindi nga lang niya maalala kung saan nakita ang babae.

No. Hindi naman siguro ito ang ka-blind date niya.

Kung confident si Gavin na magugustuhan niya ang

huling babaeng ipapa-date sa kanya, siguradong hindi

ganoon ang hitsura ng babaeng iyon. Well, the woman

was pretty but she was not his type-at least physically.

Darwin liked tall, slender women with medium-sized

chest. This one could be five foot and four inches tall.

Hindi kasama ang takong ng suot nitong heels. Hindi

pang-fashion model ang built ng katawan ng babae pero

puwedeng pang-lingerie model. Her chest was distracting.

Hindi niya gusto ang mga babaeng may malalaking dibdib

for some reason.

Nagsimulang humakbang ang babae palapit sa kanya.

Habang lumalapit ito, mas lumilinaw sa kanya ang hitsura

nito. Wait... did she look familiar? Pinakatitigan niya ang

babae hanggang sa huminto ito sa harap ng mesa niya.

Kumurap-kurap pa ito na para bang hindi makapaniwala

na nakikita siya.