CHAPTER 95
“Nag-away kami ni Linda nang araw na iyon. Doon ko nalaman na mahal na pala niya si Danny at umaatras na siya sa kasunduan naming dalawa na kapag nasa hustong edad na kami ay ipaglalaban na namin ang isa’t isa. Sinabi niya sa akin na nahulog na siya kay Danny at kasalanan ko kung bakit nangyari iyon. Hindi ko matanggap. Nakipag-inuman ako kina Raymond at Charles at doon ko naisip na patunayan kung totoo o hindi ang sumpa ng singsing. Ang sumpa na sinasabi ng mbga kamag-anak namin na hindi pwedeng maging kami ni Linda dahil Lolo niya si Carlo na siyang isinumpa ni Lolo Jacko.”
“Kaya pala nangyari iyon. Hindi lang dahil trip ninyo kundi may mas malalim na dahilan. Nasaktan kayo kaya ninyo gustong patunayan ang mga sabi-sabi na siyang nagresulta ng malagim na kamatayan ng babaeng
