“O, bakit ka nakasimangot?” pansin sa akin ni Ma’am Marinelle nang makalapit na akong muli sa kinaroroonan nila ni Ma’am Melinda. Kaya agad ko namang inayos ang mukha ko nang iabot sa kaniya ang gamot niya. Tinanggap naman niya iyon at si Ma’am Melinda na ang nag-abot ng tubig.
“Wala po, Ma’am. Pasensya na po,” hinging paumanhin ko naman. Pero lihim akong napairap nang maupo sa isang sofa na naroroon si Marco. Nakatingin siya sa akin pero hindi ako lumilingon sa gawi niya.
“Marco, nasabihan mo na ba sina Charles at Stan na imbitado sila sa birthday ko? Sabihin mo isama din nila ang mga partners nila,” narinig kong tanong ni Ma’am Marinelle sa anak. Nanatiling nakatuon ang pansin ko doon sa ipinapakita ni Ma’am Melinda na pictures ng mga bagong vase na gusto niyang bilhin. Sa totoo lang,
