AODIE
Tatlong araw nang wala si Cold, hindi ko rin nakikita si Benjie sa paligid. Pakiramdam ko din ay may mga matang nakasunod sa akin sa loob ng mansion kaya naman madalang akong lumabas ng kwarto ko.
Lalabas lang ako kapag pupunta akong kwarto ni Don Marcelino o kaya naman ay kakain at magtetraining pero para makipagkwentuhan o makipagtambay sa labas, hindi na.
Napatingin ako sa pinto nang may kumatok dito.
"Sino yan?" patanong kong sigaw.
"Ang pinaka gwapo mong kaibigan!"
Agad naman akong napatayo at mabilis na lumapit sa pinto nang marinig ko ang boses ni Benjie!
"Benjie!" masigla kong bungad nang mabuksan ko ang pinto at mabungaran ko ang nakangiti n'yang mukha.
Yayakap sana ako kaso may dala s'yang mga pagkain.
"Miss na miss mo ako ha! Kain tayo!" saad nito.
Malugod ko nam
