"NAGBAGONG image ako pagkaalis mo," Dawn habang kumakain sila ni Keith ng dinner sa bahay. Nagpahinga lang siya ng ilang minuto. Lumabas sila at mabilisang nag-grocery. Tulad pa rin ng dati si Keith, mas gustong kumain ng luto niya kaysa sa fastfood. Balitaan pa rin hanggang sa dinner. "Ganoon talaga. Parang Pokemon lang, kailangan mag-evolve."
Natawa si Keith. Muntik na maibuga ang kinakain. Uminom ito ng tubig. "Naging impakta ka na?" balik ni Keith. Nakita na nito ang social media accounts ni Dawn Mendez. Binanggit din ni Dawn na kahit pamilya niya ay hindi iyon alam. "Deleted talaga lahat ng accounts mo? Kaya pala 'di kita mahanap."
"Gusto ko rin manahimik muna," sabi ni Dawn, kumakain na siya ng sweetened saging saba, ang paborito nilang home-made dessert ni Keith noon. "Ang daming
