"'AYAN NA, ahhhhhhhhh!" masiglang sigaw ni Dawn habang nasa ere. First time niya mag-zipline. Para hindi daw matakot o mahilo, huwag titingin sa ibaba. Pero gustong makita ni Dawn ang dagat sa ibaba kaya tumingin siya kasabay ang hindi mapigil na sigaw.
Si Thor ay tahimik lang sa tabi niya. Magkatabi sila na nakaharap sa isa't isa. Gusto sana niya ng solo pero hindi pumayag si Thor. Recommended daw sa mga first timers na hindi mag-isa para bawas kaba. Kinakabahan naman talaga si Dawn kaya pumayag siya.
Pero si Dawn lang yata ang na-excite, tahimik na tahimik ang kasama niya. Na nang tingnan ng dalaga ay nakangiti lang at nakatingin sa kanya. Siya lang naman kasi ang first timer sa kanilang dalawa. Wala nang effect kay Thor ang view at ang masarap na pakiramdam habang nasa ere.
Sayang ng
