Napalingon kay Ian si Karen nang bigla itong magsalita.
“P’wede ka na talagang mag-asawa ng mga sampu,” nakangising wika ni Ian nang makaupo na ito sa sala.
Agad naman niya itong hinampas. Tumawa naman ito habang umiilag sa kaniya. Nang mapagod siya sa kaniyang ginagawa, ay pinamewangan niya ito saka tinarayan.
“Ikaw na lalake ka panay ka pang-aasar sa akin eh ‘no? Siguro may gusto ka sa akin ano?” lakas loob na tanong niya rito.
Saglit na nanahimik ito saka tumawa. Nagulat pa siya sa naging reaksiyon nito sa kaniyang sinabi. May nakakatawa ba sa sinabi niya?
“Ayyy iba ka rin Karen ‘no? Confident!” anito sa kaniya habang nakangisi.
Para naman siyang napahiya sa sinabi nito. Kaya naman hinila na niya ito patayo sa upuan. Hindi na kasi niya malaman kung ano ang dapat niyang maramda
