Pagkagising ko kinaumagahan ay agad akong nagtungo sa bangko para i-deposit iyong kalahating milyon na natanggap kong bayad mula kay Henry. Kailangan kong manigurado na safe ang pera ko at hindi ako makakampante kung iiwan ko lang dito sa kubo ang aking pera dahil baka maisipang dumalaw ng mga pinsan ko sa kubo para magyabang na naman sa akin, hindi pa naman ako palaging nakapirme sa kubo kaya baka makita nila ang pera at nakawin.
Hindi rin ako nagtagal sa bangko at agad akong sumakay ng traysikel papunta sa apartment nina Amir. Gusto ko na talagang lumipat ng matitirahan dahil sobrang malapit na talagang matumba iyong kubo na kapag biglang umulan at may malakas na hangin ay sigurado akong tatangayin na ang kubo.
Pagkarating ko sa building kung saan nangungupahan si Amir ay agad akong na
