Matagal bago naman siya sinagot ni Paula. "Oo," sagot nito sa kanya.
"Ano bang problema sa kompanya ni Brandon?" tanong niya.
"Pasensiya na, Beatrice. Confidential, eh. Kahit kaming mga empleyado niya ay walang ideya kung ano ang problema sa kompanya," apologetic na sagot sa kanya ni Paula.
Humugot na lang siya ng malalim na buntong-hininga. Mukhang wala din siyang makukuhang sagot mula kay Paula.
PINAKIUSAPAN ni Beatrice si Ate Lourdes na mag-grocery ng ilang kailangan niya sa kusina. Nalaman kasi ni Beatrice mula kay Paula na dumating na si Brandon sa Manila. At sinabi din nito sa kanya na pumasok na ito sa trabaho. Inaasahan nga ni Beatrice na sa bahay ito di-deretso dahil halos isang linggo din ito hindi umuwi, isang linggo nga din itong hindi tumawag sa kanya.
Pero kahit na
