"BEATRICE, lunch break na."
Napatigil si Beatrice mula sa ginagawa nang marinig niya ang sinabi sa kanya ng ka-trabaho.
At nang mag-angat siya ng tingin ay nakita niyang nakatayo na ang ibang ka-work niya at handa nang magpunta ang mga ito ng cafeteria para mag-lunch. At nang tingnan niya ang wristwatch na suot ay doon lang niya napansin ang oras. Lunch break na pala.
"Sige. Salamat," wika niya dito.
Hindi naman kailangan magpunta ni Beatrice sa cafeteria dahil nagbabaon siya ng lunch niya, wala din naman kasi siyang ka-close sa kompanya kaya mas makakabuti na lang na sa cubicle na lang siya kumain.
At saka nakakatipid din siya sa pagbabaon niya. Ngumiti naman ito at humakbang napalabas ng departamento nila.
Hindi lang naman siya ang naiwan doon dahil may ilan siyang ka-work na
