Chapter 65
Lander’s POV
Maaga kaming bumiyahe pabalik ng probinsiya kaya maaga rin kaming nakarating. Minsan lang kaming nag-drop by at sa aming lavender field iyon. Nang isang kanto na lang bago ang street namin ay binalingan ako ni Ksenia. Sa maamong mukha at nangungusap na mga mata ay nagbukas siya ng bibig.
“Lander... May gusto sana akong sabihin sa iyo,” simula niya. “Sa isang araw ay flight ko na pauwing Pilipinas...”
Bumuntong-hininga ako dinahan-dahan ang pagpapatakbo ng sasakyan. Ayaw kong marinig o ni isiping aalis na siya. Isa iyon sa mga mangyayaring pilit kong iniiwasang bigyan ng focus. Pero nabanggit na rin niya kaya wala na akong magagawa pa.
“Yeah... Sa isang araw na pala iyon. Ang biling ng araw,” kaswal kong sinabi sabay ngiti at baling sa kaniya nang mabilis.
“Oo
