Chapter 123
Ksenia's POV
Halos hindi ko na makilala ang sarili dahil sa nag-uumapaw na galit at panlulumo sa mga nalaman ko kay Lander. Akala ko kaya ko pang magpatawad at magbigay ulit ng panibagong pagkakataon sa mga taong nanakit sa akin pero nagkamali ako. Ang mga taong may gawa nitong lahat ay walang planong ibunyag ang katotohanan.
Kailan nila sasabihin sa akin na anak ko si Supreme? Kapag ba namatay na ito dahil sa namana niyang sakit sa amin ni Lander? Kahit nanganganib na ang buhay ng anak ko ay kaya pa rin nilang tiisin ito? Ganoon na ba sila kademonyo para isugal ang buhay ng anak ko sa mga kahayupan nila?
"Patawarin mo ako, Diyos ko, pero hindi ko na kayang panindigan ang mga ibang dapat panindigan," nanghihina kong usal sa isip.
Gusto kong maiyak sa halu-halong emosyon na
