Chapter 69
Lander’s POV
Nang imulat ko ang aking mga mata ay tahimik na silid ni Ksenia ang bumungad sa akin. Wala sa loob kong ibinagsak ang paningin sa nakatakip na sa aking kumot. Wala ito kaninang bago ako makatulog. Napangiti ako nang maisip na si Ksenia ang nagpatong nito sa akin.
The birds are chirping outside. They were all perched on the branches of the tree. Ang masuyong hangin ay aliw na nakikipagharutan sa mga kurtina sa bukana papuntang balkonahe. Umaabot ang mga haplos ng hangin hanggang dito sa kinahihigaan ko. Kaya kong mahiga rito buong maghapon dahil sa lamig at ginhawang hatid nito sa aking katawan, kumukontra sa mainit-init na klima sa labas.
Medyo matagal din akong nakahiga habang nagmumuni-muni. Nagtataka na ako dahil hanggang ngayon ay hindi pa rin bumabalik si K
