Chapter 70
Ksenia’s POV
Itinaas ni Mama ang kamay. Tila nabibigatan pa ito rito nang iangat niya. “Hindi ninyo kailangang magsalita agad...” aniya sa nakikiusap na tinig. “Upuan... Kailangan k-ko ng upuan. K-Kuhanan ninyo ako ng upuan,” nauutal nitong sinabi.
Nagmamadali namang bumaba si Lander pababa at mabilis itong inalalayan sa mga braso. Para na kasi itong matutumba any time. Natigilan din ako sa gulat na nakita ko sa kaniyang mga mata kaya narito pa rin ako sa kinatatayuan ko ngayon. Nakita kong ang ilang mga bigat ni Mama ay dinadala na ni Lander ngayon. Nang makitang medyo napangiwi si Lander ay saka lang ako nagising. Nabibigatan na rin siya.
Patakbo akong lumapit sa kanilang dalawa. Agad na braso ni Mama ang hinawakan ko. Nagkasundo kami ni Lander na alalayan siya papuntang s
