Chapter 46
Ksenia’s POV
“Oh, Ksenia!” tila nabunutan ng tinik sa dibdib na usal ni Mama nang buksan ko ang pinto at nakita ako.
Nasa tabi niya si Uncle Thom. Hawak siya sa kamay at hinahagod ang likod, tila pinapakalma siya nito kahit siya mismo’y nag-aalala rin.
“Nelia, you have to calm down first... See, your daughter is safe,” ang narinig kong sinabi nito kay Mama.
Kasabay ng pagpihit ko pasara ng pinto ang pagtayo ni Mama. Hindi ko inaakalang ganito ang magiging reaksiyon niya kahit pa nag-iwan naman ako ng letter sa may ref. Pinatungan ko pa nga ng ref magnet na heart iyon, eh.
I walked solemnly towards them. “Mama, bakit po kayo nag-aalala masyado, eh, nagpaalam naman po ako sa inyo...”
Niyakap lang niya ako nang tumila ako sa harapan niya.
“Sobrang nag-alala ako para sa iyo,
