Chapter 76
Ksenia’s POV
Napasunod na lang ako ng tingin kay Lander nang lagpasan niya ako. Nauuna na itong naglalakad, tila ba isinadya niya nang hindi na ako makatanong o maka-react sa ibinigay niyang ito. Nagmamadali kong ipinasok ang pouch sa sling bag kong dala. Patakbo ko silang sinundan pagkatapos.
Nang makalabas ako ng gate ay nadatnan kong pinagbubuksan na ng Mama ni Lander si Mama. Sagad na sagad ang ngiti nito sa mga labi habang sinasalubong si Mama. Si Lander naman ay tumigil at nilingon ako.
“Oh, Tara na...” untag niya sa akin.
Dahil sa ibinigay niya ay nawala sa pokus itong utak ko. Ang nalalapit naming paghaharap ni Tita Nelia bilang daughter-in-law niya ang pinaghahandaan ko kanina pero nakalimutan ko iyon dahil sa sampong pregnancy tests na binili niya at sa utos niton
