VIZENCIO
5 YEARS LATER
Limang taon, limang taon na pala ako dito sa bahay nila gov. Limang taon ng nag-enjoy sa buhay ko bilang driver/bodyguard niya. Masaya ang naging buhay ko na para bang walang katapusan ang lahat ng ito. Sa loob ng limang taon ay tuluyan ng humilom ang sugat sa puso ko. Halos hindi ko na nga maalala eh. Dahil nag-focus na lang ako sa kung paano ako magiging masaya.
Ewan ko ba pero naging okay na ako sa ganito ako. Natuto akong mabuhay ng simple, natutong maging masaya at magpasalamat sa mga araw na dumadaan sa buhay ko. Masaya na naging taga-bantay ni Ren-ren. All around ako pagdating sa kanya na para bang male version ako ng pagiging nanny. Pero masaya naman ako na alagaan siya. Wala naman akong reklamo dahil gustong-gusto ko nga. Tulad na lang ngayon nagluluto a
