VIZENCIO
Patuloy na lumilipas ang mga araw, buwan at hindi ko man lang namalayan na taon na pala ang lumilipas. At sa mga araw na iyon ay mas naging malapit ako sa prinsesa ni gov. Naging kapatid ko si Ren-ren. Natutuwa ako dahil hindi na siya naiilang sa akin. Kinakausap na niya ako ngayon at hindi na ako ang laging nagtatanong sa kanya.
“Kuya, sino po ang babaeng kausap mo kanina? Girlfriend mo po ba siya?” tanong niya sa akin.
“Alin doon?”
“Yung kanina po,” sabi niya.
“Mukha ba akong may girlfriend?” nakangiti na tanong ko sa kanya.
“Ang sweet niyo pong dalawa,” sagot niya sa akin.
“Sweet ba ako?” nakangiti na tanong ko sa kanya.
“Opo,” tipid na sagot niya sa akin.
“Bagay ba ka–”
“Hindi po, masyado kang gwapo para sa kanya.” nagulat ako sa sagot niya sa akin kaya tumawa ako.
