VICTORIA'S POINT OF VIEW
HANGGANG NGAYON ay hindi pa rin ako makapaniwala sa nasaksihan. Kulang na lang maging lutang na ako sa buong klase. Paulit-ulit na pumapasok sa aking isipan—laging naaalala ang paghalik ni Nastia sa noo ni Prince. Naghiyawan ang mga kaklase ko niyon saka agad naman silang sinaway ni Ma'am Sally. Pinaupo si Nastia sa may harapan sa row five at napapansin ko na panay ang tingin nito kay Prinsipe.
Huminga ako nang malalim at pinilit na mag-focus ngayon sa aming pinag-aaralan. Ayoko munang mag-isip sana ng kung ano-ano pero 'di ko mapigilan talaga.
Saglit kong nilingon si Prince at nanatili lang siyang nakaharap sa nag-di-discuss naming teacher. Napabuntonghininga ako at ibinalik nga roon ang atensyon sa harapan. Naramdaman ko namang medyo siniko ako ni Loave, 'yon
