وصلوا جميعًا للمنزل بعد **ت دام طوال الطريق ولم يتفوه أحدهم بأي كلمة .. فقط ال**ت ..
صعدت شهد أولا لغرفتها في إنهاك وتعب .. وكاد يلحق بها معاذ لكن رقيه أوقفته قائله بهدوء :
- ما تجيش عليها يامعاذ .. هي كمان تعبانه من اللي حصل .
معاذ بتنهيده :
- عارف يا رقيه .. بس لازم أعرف منها كام حاجه عنه .. لازم أوقفه عند حده البني آدم ده .
رقيه :
- ما تغلطش وتضيع نفسك عشان واحد ميسواش .. الصح إنك تكلم بابا وهو يتصرف .. متنساش إن بابا وأبوه أصدقاء .. وبابا عمره ما هيرضى بالوضع ده أبدًا .
معاذ :
- رقيه .. البني آدم ده قذر .. مش بعيد وقت المواجهه يقول إنه فعلا عايزها .. ولو على كلامها واللي حصل واللي قاله مروان إنها خطيبته والجو ده .. مش بعيد تبقى تحدي بالنسباله .. عمي مش هيتدخل أبدا في الموضوع ده .
رقيه :
- ولا إنت كمان .
معاذ بنفاذ صبر :
- أمال مين يحميها يا رقيه .. ها .. لما ما اتدخلش
