الفصل الحادي والعشرين ..
__________________
لتلتقط هي عدة أنفاس قبل أن تقول له وهي تحاول ألا تنهار ثانية :
- السؤال الحقيقي هنا ، هو .. أنتَ ازاي صدقت الفيديو دا ؟!
لم تستطيع التماسك فانهار صوتها وهي تُكمل :
- لو كنت اتصدمت في ملك مره ، فانا اتصدمت فيك ألف مرة يا چواد ، أنا كنت متخيلة أنك حتى لو شوفتي بعينك وانا قدامك في وضع مخل هتقول مش هي ..
ثم ثارت الدماء داخلها لتدفعه بكلتا يديها بغضب لتُكمل :
- أنا مش بس كنت حبيبتك ، اللي أنت عارف وواثق أنها ما حبتش غيرك ، دا أنا بنت عمتك اللي متربية معاك وعلى إيدك وتحت عينك ..
ثم صرخت به وهي تدفعه بقوة أكثر لتُخرج غضبها كله دُفعة واحدة :
- ازاي تخيلتني بالأخلاق دي يا غ*ي ؟! ازاي ما جيتش أول ما وصلك الفيديو اللي أنت عارف أنه أكيد فخ ، وسألتني ..
سنتين بتعاقبني وعايشه في جحيم بسببك على حاجة معملتهاش ،
ثم انهت جُملتها وما زالت دموعها ت
