“Hoy babae! Iyong rental payment mo nag due na. Ano ang binabalak mo?!” automatiko akong napatayo mula sa higaan ko nang marinig ang landlady sa labas ng pintuan. Mas maaga akong nagising kesa sa alarm clock ko. Si Signor sa aking tabi ay napadilat, nakanganga pa ang kanyang labi mula sa mahimbing na tulog.
Nang sinagot ko siya ay madalas na siyang natutulog dito sa loob ng apartment. Kahit masikip ang kwarto ko ay pilit na pinagkakasya ni Signor ang kanyang sarili sa loob. Hindi ko kasi gustong pumunta sa pamamahay niya kasi ang turo sa akin ni Lola ay hindi maganda para sa isang dalaga na bumibista sa bahay ng lalake, mapakaibigan man lang o kahit jowa.
Mabilis akong tumayo at kinuha ang pitaka ko. Binigay ko kasi kay Lola nang umuwi ako ng probinsya para sa gamot niya. Madalas siyang
