Nakatulog ako sa mga bisig ni Ford. Hindi niya ako iniwan kahit noong sinabi kong bumalik na siya sa kaniyang kwarto. Kahit na noong naglagay ako ng unan sa pagitan naming dalawa, inalis niya iyon at tinapon kung saan saka ako siniksik sa katawan niya.
Napasubsob na lang ako sa matigas na dibdib ni Ford. At kalaunan, nakatulog nang sinisinghot ang bango niya. Ako na lang din ang napagod sa kakaiwas ko sa kaniya dahil hindi niya naman ako hinahayaang makapalag.
Paggising ko ay wala na si Ford sa kwarto. Hindi ko na siya naramdaman sa tabi ko kaya naman nagising na nang tuluyan ang diwa ko. Nahuli na ako ng gising at pagbaba ko nga ay naabutan ko na silang tapos nang mag-almusal.
Si Don Santiago ay nagtungo na yata sa opisina nito. Hindi ko na naabutan pa si Ma’am Donna sa hapag. Ang n
