Paglabas ko sa banyo, wala na sa hapag si Parker. Mga kasambahay na lamang din ang naroon at nagliligpit.
“Umakyat na si Senyorito Elis. Magpapahinga na siguro iyon at mukhang pagod din sa byahe,” banayad na sabi ni Manang Yadra at ngumiti.
Tumango na lamang ako. Napansin ko na may hinahanda siya. Nang nakita niya akong nakatingin doon, saka siya nagsalita.
“Para kay Senyorito Ford. Nandoon siya sa roof deck,” sagot ni Manang Yadra.
“Si... Serene po, Manang?” tanong ko.
“Hindi ko napansin. Baka umakyat na sa itaas at nagpapahinga na rin,” sagot ni Manang Yadra.
Tumango ako at nahulog ang tingin sa orange juice na iyon na para daw kay Ford.
“Ako na ang magdadala, Manang,” pasya ko.
Nagulat pa si Manang Yadra sa sinabi ko at mukhang nag-alinlangan agad.
Ngunit nanatili akon
