“Iwan mo na ako, Alaric. Ayos na ako,” sabi ko nang mapahinto na ang taxi. Hindi pa iyon tuluyang nakakarating sa dulo, nagpababa na ako.
Sumunod si Alaric. Bigo ako na pigilan siya.
“Makinig ka sa ‘kin, Deborah… please, kahit ngayon lang, makinig ka sa amin,” saad niya.
“Hindi ko kayo naiintindihan, Alaric. Kayo ni Nay Aurelia. Sa totoo lang, ang hirap n’yong ispelingin!”
Tuloy-tuloy ang lakad ko.
“Kaya ko sinasabi sa ‘yo na makinig ka,” he said seriously. “Tingnan mo ang sarili mo, Deborah. Nahihirapan ka na sa mga Salvatierro. Hindi na tama ang ginagawa nila sa ‘yo.” Mariin ang pagkakasabi niya niyon.
“Sino ka para magdesisyon kung tama o mali ang ginagawa nila sa ‘kin?” tanong ko. Hindi ko na napigilan. Hinarap ko siya.
Huminga nang malalim si Alaric. “Alam ko. At kahit s
