Kinailangan ko pa ng ilang minuto para huminga nang malalim. Halos hindi ko nga matingnan si Parker nang pumasok siya sa kwarto ko at nakasalubong niya sa pinto si Ford.
Kinakabahan akong makita ang kaniyang reaksyon. Hindi ko naman narinig na nag-usap sila. Pag-angat ko ng tingin sa salamin, nakita ko na lang na palapit na si Parker sa kinaroroonan kong vanity table.
“What is my cousin doing here?” tanong ni Parker.
I bit my lip. “B-Bumati lang...” sagot ko.
Bagamat nagtataka, hindi na nagtanong pa si Parker. Noong tumayo na ako at handa nang bumaba at bumati sa mga bisita, napansin ko pang nakatingin siya sa ‘kin. Hindi ko naman maiwasang kabahan dahil doon, parang anumang oras ay mahuhuli ako sa isang krimen. Nananakit na lamang ang ulo ko!
“Ang ganda mo ngayon. Bagay na bagay
