---
Lumabas si Maya sa loob ng mansyon at nagsabi kay Clarita na magpapahinga muna sandali sa may hardin. Nagpaiwan naman si Clarita dahil may kailangan pa raw siyang gawin sa loob ng mansyon. Ngunit, hindi alam ni Maya na may pinaplano pala si Clarita---at ito ang ituloy ang pakikinig sa pagpupulong nina Don Hugo sa ikalawang palapag.
Tahimik na umakyat si Clarita sa taas at nagdala pa ito ng mga gamit panglinis nang sa gayon ay akalain siyang maglilinis lamang. Habang nagwawalis siya ay pasimple siyang nakikinig sa kanilang usapan. Idinikit niya ang kaniyang tainga sa batong dingding.
"Hindi maaaring makatakas ang mga taga- San Isidro dahil kailangan natin silang mapatay. Hindi dapat sila mabuhay dahil nagpaplano silang mag- aklas sa pamahalaang Espanya." Ito ang mga narinig ni Clari
