Walang mapagsidlan ang kasiyahan ko noong mga panahong iyon. Napupuno ng labis na galak ang aking puso. Hindi ko inakala na may pagtingin din sa akin ang lalaking napupusuan ko. Sa palagay ko ay ako na ang pinakaswerteng babae sa mundo.
Pagkatapos ng aming pagpasyal, inihatid na ako ni Miguel patungo sa kanilang mansyon. Hanggang ngayon ay wala pa rin ang mga magulang niya dahil may inaasikaso pa ang mga ito sa kanilang negosyo.
"Naging masaya ka ba, aking Maya?", tanong ni Miguel sa akin. Nangungusap ang kaniyang mukha. Kahit maliit na galawa niya at ang tinig niya ay kinababaliwan ko na. Ganito ba talaga ang magmahal? Lahat ng mayroon siya ay nagugustuhan ko. Sobrang perkpekto niya para sa aking paningin. Wala akong makitan kapintasan sa kaniya sapagkat nabulag na ako ng mahiwagang pag
